Thursday, October 2, 2008
anmol seekh
chale sham ko matwale
kahan chale tum iron maiden ka
t shirt tan par daale
chale jhoomte masti main tum
kya apna path aaye bhool
kis kis ke upar nazar daloge
kahin na kar dena koi bhool
bade bade dil phek mit gaye
is rah par chal chal kar
dil todte rehte the jo
aaj phir rahe hai dil le kar
ye dagar bhai badi kathin hai
masti tak to thik hai
par bat jab aage badhti hai
to acche acche ro dete hai
unhe paane ki chahat main
apna sab kuch kho dete hai
to koi dikhe to do mat dhyan
kisi ki baat par do mat kaan
to tum kabhi na hoge dawadol
sukhi rahoge tum sada
sikh meri hai ye anmol
Sunday, September 28, 2008
sikha hai maine...
umra badh rahi hai
soch badal rahi hai
uljhane badh rahi hai
ye hai soch
ek aam insan ki
bita dete hai wo zindgi
inhi char panktiyon ke ird gird
din ko to guzarna he hai
umra ko to badhna he hai
soch ko to badlna he hai
par kuch is tarah ki
uljhane kam ho jaaye
koi kam karne se pareshan hai
to koi aaram karne se pareshan hai
koi zindgi ko kos raha hai
to koi zindgi ke liye ro raha hai
lagta hai koi gehra rishta hai
uljhan aur zindgi ke beech
aisa he kuch mehsoos kiya maine
jab dekha kal shaam ko unhe
wo chale jaa rahe the
mand mand muskura rahe the
jaise kya mil gaya ho unhe
shayad unhe pata bhi na tha ki
unke pairon main chappal nahi
unke hatho main dastane nahi
unka kankaro par pair pada to
to wo ruke do minute ke liye
pairo ko sehlaya
halke se muskuraya
aur phir aage badh gaye
shayad wo hans rahe the un par
jinhone un kankaro ko phailaya hoga
ya fir shayad wo bhi aadi ho gaye hai
un kankaro par chalne ke liye
us chubhan ke dard ko sehne ke liye
lagta hai unke aankon ke aansuon ka sthan
unke hothon ki muskurahat ne le liya ho
shayad isiliy dukh ke palon main bhi
wo muskurate hai jaise ki apne
dard ko hansi main uda dete hai
ho sakta hai wo bhi apne zindgi main uljhe hue hon
ya unhe bhi kisi prerna ki talash ho
par unki zindgi ne mujhe ek ehsas zaroor karaya hai
kasht main kaise haste hai ye sikhaya hai
Monday, August 11, 2008
talash..
sochta hun kya karoon
kaise santusht karun khud ko
aankhen band karta hun
to ek antheen rasta dikhta hai
jo ki bheed se bhara hua hai
jahan har koi prayasrat hai
kuch paane ke liye
jise paa kar bhi wo santusht hoga
ye use pata nahi
sabhi chal rahe hai ek ke peeche ek
ek ek kadam badha rahe hai
bas bheed se alag dikhna hai
isi chahat main chalte jaa rahe hai
aaj bheed se alag dikne walo ki
bhi bheed ho gaye hai
jaise lagta hai ki zindigi main
chain ki saanso ki kami ho gaye hai
par saans chain ki ho ya na ho
zinda rehna hai to leni padegi he
to bas....
har pal ke sath saans lete jaa rahe hai
us pal ke intzar main ki
akhir kabhi to milegi wo manzil
jahan phuch kar lagega
haan yahi hai wo mukam
jahan mujhe pahuchana tha
Tuesday, July 22, 2008
kohra...
dhoop ke nikalne ka
jab kohre main rasta
nazar aata hai
dhoop to niklegi he
kohra bhi chat jayga
par jo samay vyarth kiya
wo wapas kahan mil payega
isliye chala jaa raha hun
isi aasha ke sath ki
shayad is kohre main he
us manzil se takra jaun
dhoop ki roshni main
jiske bagal se nikal jata hun
mere to har pehle pal main
prayas hai doosre pal main lakshaya
aur har teesre pal main phal hai
to phir kyun intzar karoon
dhoop ke nikalne ka
are mere vishwas ka badal
is aakash se vishal hai
aur...kohra to....
barish se bhi chat jaata hai
Sunday, June 8, 2008
mukti..
pairon se dhool uda raha tha
aankhe thi meri nazaro par
pao the man ke isharo par
ki tabhi paani ki ek boond mujhse takraaye
tabhi doosri aaye aur phir jhadi lag gaye
socha ki jaldi kahi jaun
khud ko bheegne se bachaoon
ki dekha tabhi kuch baccho ko
jo bheeg rahe the
khushi main nach rahe the
man ne kaha ki
aaj main bhi bheeg jau
khoob koodu paani main chapchapau
in boondo ki dori ko pakadkar
aakash main chadh jau
aur aisa karke maine paya
ki kitne bandhno main
jakad ke rakha tha maine khud ko
jab toda inhe to laga ki
ye meri khud se pahli mulakat hai
ab sochta hun ki
hum kyun vyarth main samaj ki phikra karte hai
khud ko khush rakh sakte hai....
par nahi rakhte hai
Friday, March 28, 2008
Aadat muskarane ki
Izzat dete the jinhe,
Har pal apne khayalon main,
Jagah dete the jinhe,
Ab milne ko taras jate hai unse,
Aj wo itne begaane ho gaye,
Dekh kar andekha kar dete hai wo,
Aj hum itne anjaane ho gaye,
Kismat ko ye manzoor hoga,
Kabhi socha na tha,
Ek din aisa bhi hoga,
Kabhi socha na tha,
Kusoor kiska hai,
Jiska bhi ho,
Par dil to dono taraf toote hai,
Saath to dono ke hi choote hai,
Chahte to wo bhi honge hamein,
Itna to zaroor hai,
Par gar muh se na kahein,
To isme kiska kusoor hai,
Zindagi choti lagti hai,
Jab khushion se bhari hoti hai,
Par iska ant nahi dikhta,
mulakat iski jab gam se hoti hai,
Par maine suna hai,
Huzoom-e-gam aadat badal nahi saki uski,
Jiksi aadat ho muskarane ki....
Wednesday, March 26, 2008
ek kadam peeche ko le jao.....
ye pata tab chala
jab saans ukhadne lagi
un antim palon main khyaal aaya
ki maine aaj tak kya paaya
ki maine aaj tak kya kiya
kya sirf khud ke liye jiya
jab choda tha ghar ka aangan
tab aankhon main sirf sapne the
jeevan main ek nahin
kae mukaam hasil karne the
jeevan ki aapadhapi main
kitne he pal gujar gaye
ab to ye bhi yaad nahi ki
pichli baar kab maa ke pass baitha tha
unki baatein suni thi
wo khush rehte the
kyunki hum khush rehte the
aur hum khush rehte the
bas apni he zindgi main
par samay kahan rukta hai
har insaan ek din uske saamne jhukta hai
bas yahi kahunga ki
har kadam aage ki or badhaye hain
jara ek kadam peeche ki or bhi le jao
jara laut kar apne maa baap ke pass wapas jao
Friday, March 21, 2008
paimana zindigi ka...
idhar to dekho...
kahan jaa rahe ho...
abhi to shaam hue hai,
poori raat baaki hai....
akele to tum bhi ho...
kiska sath talash rae ho....
gar gam hai to kyun haste ho,
ye aansu kisse chipa rahe ho....
main may hun...
main tera saath dungi...
mujhe hoton se to lagao,
zindigi tere naam kar dungi...
main muda aur bola,
"akela main nahi,
akeli to tum ho.....
jo sath talash rahi ho
gam main hasna he to zindgi hai,
aur tum mujhe zindgi sikha rahi ho
are main zindgi hosh main jeeta hun,
aur agar madhosh hona hota hai to
paimana jaam ka nahi
zindgi kaa peeta hun.....
Thursday, February 28, 2008
wo chehra.....
har din chehre to hazaron dekhte hai
par wo lakho main ek tha….
jo ek din dikh
jo nazre ruki to tiki rah gaye….
na jaane kitna kuch yeh dil sah
wo chale jaa rahe the
hum khiche jaa rahe the….
socha ki…bas….rok lu…..
unhe ek pal ke liye….
ki bas…..ojhal ho
Wo chehra kahin…..
ye mann bechan ho
main daudne laga….
“kahan gaye wo,
abhi to yahin thi”….
dil ye rone laga…
mann tadapne laga….
Par aankho ko
jab band kiya…
chehra wahi bas nazar aaya
“are ye to meri kalpanao main hai,
mere dil main hai..mere mann main hai,
dekha tha use bas do pal ke liye….
par kis kadar wo mere jahan main bas
AB HAALE DIL YE HAI KI
JAB AANKHE KHOLTA HUN
TO BEDARD DUNIYA DIKHTI HAI
AUR JAB BAND KARTA HUN TO
Zindgi…..
Sunday, February 17, 2008
Salam Zindgi...
Ye Zindgi kaisi hai…
Kaisi hai ye zindgi..
sahare par hi khatm….
AUR
Pairon par apne jab khadi hoti hai
To daudne lagti hai
Kabhi is rah...Kabhi us rah
Har mod par pathik milta hai
Kabhi Aasha ka pathik
Kabhi nirasha ka pathik
Kabhi sukh ka to kabhi dukh ka
Naya koi kabhi mil jaata hai
Purana koi kabhi bichad jaata hai
Raat bitati hai sapne dekhkar
To din un sapno ke picche daudkar
Aankh ke aansu aur hoton ki muskan
Bas inhi bhawnao ke beech phansi hai Zindgi
Kyun kuch na milne ka dukh hota hai
Kyun kuch pane par santushti nahi hoti
KAHIN..
Zindgi paani ki wo dhara to nahi
Jiska karm bas bahna hai……
Jo…agar ruk gaye to
Bimaari ko hi janm degi
TO…
Thak gaye ho to araam karo
Par ruko nahi….tum daudte raho
Har mod par koi thaka milega
Uska bhi haath tham aage chalte chalo
ARE..
KHUD KE LIYE TO JEETA HAR INSAAN HAI
PAR JO DUSRO KO JEENA SIKHA JAAYE
AISI ZINDGI KO MERA SALAAM HAI
Tuesday, February 5, 2008
badlaav...
main daud raha hun
saans phool rahi hai
par phir bhi daud raha hun
kyunki…aaj agar..
apni jagah par bane rahna hai
to daudna hoga…..
main lad raha hun
apne antarman se,.
jeetna chahta hun khud ko…
shayad isiliye aaj pehli baar,
swekaar kiya hai….
Aisa lagta hai ki,
Kuch nazre ab mujhe dekhne lagi hai
Aur bahut see nazre mujhe dekhne lagengi
Ab ye bilkul sach lagta hai ki,
Vichar agar vistrit hoon
to duniya choti ho jaati hai
aur…aadmi ladna seekh jaata hai
Aur jo khud se ladna seekh jaata hai
WO ZINDIGI KI DAUD
AAGE NIKAL JAATA HAI.
Wednesday, January 16, 2008
Mera Safar (ab tak...)
Kabhi main poochta tha khud se ki
Kya ye mukam hasil kar paoonga
Par chala to hasil kar liya…..
Yaad aate hai wo pal
Shuruati daur ke,
Jab
Sath baithkar tay ki thi apni apni manzile
Chale the hum ek sath
Apni apni rah par
Kitna josh tha sabki ankhon main
Par wastvikta ki chattan se tkrakar
Kuch to toot kar bikhar gaye,
Kuch tod kar aage nikal gaye..
Unme kahi main bhi tha
Jo us chattan par,
apne sangharsh ka war kar raha tha
kabhi main chotil hua,
to kabhi chattan bhi tooti
par mere mann ko khushi hue ki
haan...
aur lakshya ko hasil kar liya,
main tab bhi bheed ka hissa tha
main aaj bhi bhid ka hissa hun
bas us bheed main badlav aaya hai
PAR MAIN JAANTA HUN KI,
Manzil ke upar manzile banti hai
Aur unchain badhti jaati hai
AUR BAS YAHI SOCHTA HUN,
Ki kab us manzil par pahunch paoonga
Jahan bheed khatm hoti dikahi padti hai…
Monday, January 7, 2008
Lyrics: Kholo kholo
Parde Karo Kinare
Khuntey Se Bandhi Hai Hawa
Mil Ke Chhudao Saare
Aajao Patang Leke
Apney Hi Rang Leke
Aasmaan Ka Shamiyana
Aaj Hamein Hai Sajana
Kyun Is Kadar Hairaan Tu
Mausam Ka Hai Mehmaan Tu
O, Duniya Sajee Tere Liye
Khud Ko Zara Pehchaan Tu
Tu Dhoop Hain Cham Se Bikhar
Tu Hai Nadee O Bekhabar
Beh Chal Kahin Ud Chal Kahin
Dil Khush Jahan Teri Toh Manzil Hai Wahin
O, Kyun Is Kadar Hairaan Tu
Mausam Ka Hai Mehmaan Tu
Baasi Zindagi Udaasi
Taazi Hasney Ko Raazi
Garma Garma Saari
Abhi Abhi Hai Utaari
O, Zindagi To Hain Batasha
Meethi Meethi Si Hai Aasha
Chakh Le Rakh Le
Hatheli Se Dhak Le Ise
Tujh Mein Agar Pyaas Hai
Baarish Ka Ghar Bhi Pass Hai
O, Roke Tujhe Koi Kyon Bhala
Sang Sang Tere Aakash Hai
Tu Dhoop Hain Cham Se Bikhar
Tu Hai Nadee O Bekhabar
Beh Chal Kahin Ud Chal Kahin
Dil Khush Jahan Teri Toh Manzil Hai Wahin
Khul Gaya Aasmaan Ka Rasta Dekho Khul Gaya
Mil Gaya Kho Gaya Tha Jo Sitara Mil Gaya, Mil Gaya
O, Roshan Hui Saari Zameen
Jagmag Hua Saara Jahaan
Udne Ko Tu Azad Hai
Bandhan Koi Abh Hai Kahan
Tu Dhoop Hain Cham Se Bikhar
Tu Hai Nadee O Bekhabar
Beh Chal Kahin Ud Chal Kahin
Dil Khush Jahan Teri Toh Manzil Hai Wahin
O, Kyun Is Kadar Hairaan Tu
Mausam Ka Hai Mehmaan Tu
Saturday, January 5, 2008
Manahsthiti.... (before results)
kuch din shesh bache hai ab….
Parinaam nikalne wala hai….
Jo kuch likh aaye parikcha main….
Uska phal ab milne wala hai….
Kya hoga…. Ab kya hoga….
Kya haan hoga kya naa hoga,
Kya galat kiya kya sahi kiya,
Kya likh aaye kya nahi likha,
har pal man mein ye aata hai…
aur dil bhay se bhar jaata hai…
sochta hun ab soch ker kya hoga …
jo karm kiya wo phalit hoga..
per main manav hun sadharan..
aur man main prashana viphalta ka….
aa hi jata hai akaaran….
Phir….
dil ki dhadkan bhad jaati hai,
saans gale main phas jaati hai,
lagta hai ab main kuch bhi nahi,
jeevan hai ab bekar mera,
ab main kuch ker sakta hun nahi…
lekin gar haarker baith gaye….
to jeevan ka kya matlab hoga..
ye jeevan to sangharsh prabhavi hai …
sangharsha to kerna hi hoga…
Aur phir se….
Naye umang se…Naye sfurti se…
mann ko bharna hoga……
har pal prayaas jo kerte hai,
jo haarne se nahi darte hai,
wo kal per raaj kerte hai.
Gar safalta haath lagi..
to jeevan khushiyoon se bhar jaayega…
jo lakshya kiya tha tay
wo mujhko mil jayega…
aise samjhata hun khud ko…
par naa jaane kya hone wala hai…
kuch din shesh bache hai ab….
parinaam nikalne wala hai.
Tuesday, January 1, 2008
Cheers Life..!!
jab
khud se nazre milaye hai…..
to apni ankhon main ek chamak paye hai….
jaise main kah raha hun khud se ….
MAT SOCHO KI,
“aaj ek din aur guzar
jeevan se ek din aur kam ho
kyun nahi hoti santusti,
is pal ke guzar jaane par”
AB,
jee lo zindgi itni ki
koi gam na ho,
aaj umango se itna bhar jao
ki ye khushi kabhi khatam na ho,
jara hath faila kar to dekho
tumhaare bahon main aasman hoga,
aankhen band to karo
tumhaare khwabon main aasman hoga,
ARE,
zindigi ka nasha to itna hota hai ki..
aankho se suroor nahi jaata,
hothon par hansi hawi rahti hai,
umango ke pankh laga kar
mann aakash main uda jaata hai,
AUR DOSTON,
Jab se jeena sikha hai..
Har pal ko jiya hai,
Gam ko khud se koson door paya hai,
…………………..
…………………...
to aaj ki shaam zindigi ke naam
CHEERS LIFE..!!