Mera Safar (ab tak...)

Kabhi main poochta tha khud se ki

Kya ye mukam hasil kar paoonga

Par chala to hasil kar liya…..

Yaad aate hai wo pal

Shuruati daur ke,

Jab maine aur mere doston ne

Sath baithkar tay ki thi apni apni manzile

Chale the hum ek sath

Apni apni rah par

Kitna josh tha sabki ankhon main

Par wastvikta ki chattan se tkrakar

Kuch to toot kar bikhar gaye,

Kuch tod kar aage nikal gaye..

Unme kahi main bhi tha

Jo us chattan par,

apne sangharsh ka war kar raha tha

kabhi main chotil hua,

to kabhi chattan bhi tooti

par mere mann ko khushi hue ki

haan...maine sangharsh kiya

maine socha hi nahi…main chala

aur lakshya ko hasil kar liya,

main tab bhi bheed ka hissa tha

main aaj bhi bhid ka hissa hun

bas us bheed main badlav aaya hai

PAR MAIN JAANTA HUN KI,

Manzil ke upar manzile banti hai

Aur unchain badhti jaati hai

AUR BAS YAHI SOCHTA HUN,

Ki kab us manzil par pahunch paoonga

Jahan bheed khatm hoti dikahi padti hai…

Lyrics: Kholo kholo

Kholo Kholo Darwaze
Parde Karo Kinare
Khuntey Se Bandhi Hai Hawa
Mil Ke Chhudao Saare

Aajao Patang Leke
Apney Hi Rang Leke
Aasmaan Ka Shamiyana
Aaj Hamein Hai Sajana

Kyun Is Kadar Hairaan Tu
Mausam Ka Hai Mehmaan Tu
O, Duniya Sajee Tere Liye
Khud Ko Zara Pehchaan Tu

Tu Dhoop Hain Cham Se Bikhar
Tu Hai Nadee O Bekhabar
Beh Chal Kahin Ud Chal Kahin
Dil Khush Jahan Teri Toh Manzil Hai Wahin

O, Kyun Is Kadar Hairaan Tu
Mausam Ka Hai Mehmaan Tu

Baasi Zindagi Udaasi
Taazi Hasney Ko Raazi
Garma Garma Saari
Abhi Abhi Hai Utaari

O, Zindagi To Hain Batasha
Meethi Meethi Si Hai Aasha
Chakh Le Rakh Le
Hatheli Se Dhak Le Ise

Tujh Mein Agar Pyaas Hai
Baarish Ka Ghar Bhi Pass Hai
O, Roke Tujhe Koi Kyon Bhala
Sang Sang Tere Aakash Hai

Tu Dhoop Hain Cham Se Bikhar
Tu Hai Nadee O Bekhabar
Beh Chal Kahin Ud Chal Kahin
Dil Khush Jahan Teri Toh Manzil Hai Wahin

Khul Gaya Aasmaan Ka Rasta Dekho Khul Gaya
Mil Gaya Kho Gaya Tha Jo Sitara Mil Gaya, Mil Gaya

O, Roshan Hui Saari Zameen
Jagmag Hua Saara Jahaan
Udne Ko Tu Azad Hai
Bandhan Koi Abh Hai Kahan

Tu Dhoop Hain Cham Se Bikhar
Tu Hai Nadee O Bekhabar
Beh Chal Kahin Ud Chal Kahin
Dil Khush Jahan Teri Toh Manzil Hai Wahin

O, Kyun Is Kadar Hairaan Tu
Mausam Ka Hai Mehmaan Tu

Manahsthiti.... (before results)

kuch din shesh bache hai ab….

Parinaam nikalne wala hai….

Jo kuch likh aaye parikcha main….

Uska phal ab milne wala hai….

Kya hoga…. Ab kya hoga….

Kya haan hoga kya naa hoga,

Kya galat kiya kya sahi kiya,

Kya likh aaye kya nahi likha,

har pal man mein ye aata hai…

aur dil bhay se bhar jaata hai…

sochta hun ab soch ker kya hoga …

jo karm kiya wo phalit hoga..

per main manav hun sadharan..

aur man main prashana viphalta ka….

aa hi jata hai akaaran….

Phir….

dil ki dhadkan bhad jaati hai,

saans gale main phas jaati hai,

lagta hai ab main kuch bhi nahi,

jeevan hai ab bekar mera,

ab main kuch ker sakta hun nahi…

lekin gar haarker baith gaye….

to jeevan ka kya matlab hoga..

ye jeevan to sangharsh prabhavi hai …

sangharsha to kerna hi hoga…

Aur phir se….

Naye umang se…Naye sfurti se…

mann ko bharna hoga……

saar yahi hai jeevan ka…

har pal prayaas jo kerte hai,

jo haarne se nahi darte hai,

wo kal per raaj kerte hai.

Gar safalta haath lagi..

to jeevan khushiyoon se bhar jaayega…

jo lakshya kiya tha tay maine..

wo mujhko mil jayega…

aise samjhata hun khud ko…

par naa jaane kya hone wala hai…

kuch din shesh bache hai ab….

parinaam nikalne wala hai.

Cheers Life..!!

jab maine aiene se rubroo hokar….

khud se nazre milaye hai…..

to apni ankhon main ek chamak paye hai….

jaise main kah raha hun khud se ….

MAT SOCHO KI,

“aaj ek din aur guzar gaya,

jeevan se ek din aur kam ho gaya,

kyun nahi hoti santusti,

is pal ke guzar jaane par”

AB,

jee lo zindgi itni ki

kisi pal ke beet jaane par

koi gam na ho,

aaj umango se itna bhar jao

ki ye khushi kabhi khatam na ho,

jara hath faila kar to dekho

tumhaare bahon main aasman hoga,

aankhen band to karo

tumhaare khwabon main aasman hoga,

ARE,

zindigi ka nasha to itna hota hai ki..

aankho se suroor nahi jaata,

hothon par hansi hawi rahti hai,

umango ke pankh laga kar

mann aakash main uda jaata hai,

AUR DOSTON,

Jab se jeena sikha hai..

maine jaam ko haath nahi lagaya,

Har pal ko jiya hai,

Gam ko khud se koson door paya hai,

…………………..

…………………...

to aaj ki shaam zindigi ke naam

CHEERS LIFE..!!