Sunday, May 18, 2014

Barkha 17-May-2014

Barkha aaj khoob baras tu
Gir zameen sang thirak tu
Kar dillagi mujhse yun
Chitak aur lipat mujhse tu

Khwahish hai aaj..
Badlon ke garaj ki
Bheegi mitti ke mehak ki
Surkh pholon ke chehak ki

Jab tu barasati hai
Hawaon ke sath lehrati hue
Jab tu zameen chumti hai
shorgul machati hue

Ehsaas gungunate hai
Khush mizaz yun hota hai
Aapadhapi ki zindagi mein
Kuch pal sukun hota hai!