kya intzar karun
dhoop ke nikalne ka
jab kohre main rasta
nazar aata hai
dhoop to niklegi he
kohra bhi chat jayga
par jo samay vyarth kiya
wo wapas kahan mil payega
isliye chala jaa raha hun
isi aasha ke sath ki
shayad is kohre main he
us manzil se takra jaun
dhoop ki roshni main
jiske bagal se nikal jata hun
mere to har pehle pal main
prayas hai doosre pal main lakshaya
aur har teesre pal main phal hai
to phir kyun intzar karoon
dhoop ke nikalne ka
are mere vishwas ka badal
is aakash se vishal hai
aur...kohra to....
barish se bhi chat jaata hai
