mukti..

ek bar main raaste se jaa raha tha
pairon se dhool uda raha tha
aankhe thi meri nazaro par
pao the man ke isharo par
ki tabhi paani ki ek boond mujhse takraaye
tabhi doosri aaye aur phir jhadi lag gaye
socha ki jaldi kahi jaun
khud ko bheegne se bachaoon
ki dekha tabhi kuch baccho ko
jo bheeg rahe the
khushi main nach rahe the
man ne kaha ki
aaj main bhi bheeg jau
khoob koodu paani main chapchapau
in boondo ki dori ko pakadkar
aakash main chadh jau
aur aisa karke maine paya
ki kitne bandhno main
jakad ke rakha tha maine khud ko
jab toda inhe to laga ki
ye meri khud se pahli mulakat hai
ab sochta hun ki
hum kyun vyarth main samaj ki phikra karte hai
khud ko khush rakh sakte hai....
par nahi rakhte hai

Aadat muskarane ki

Pyaar karte the jinse,
Izzat dete the jinhe,
Har pal apne khayalon main,
Jagah dete the jinhe,
Ab milne ko taras jate hai unse,
Aj wo itne begaane ho gaye,
Dekh kar andekha kar dete hai wo,
Aj hum itne anjaane ho gaye,
Kismat ko ye manzoor hoga,
Kabhi socha na tha,
Ek din aisa bhi hoga,
Kabhi socha na tha,
Kusoor kiska hai,
Jiska bhi ho,
Par dil to dono taraf toote hai,
Saath to dono ke hi choote hai,
Chahte to wo bhi honge hamein,
Itna to zaroor hai,
Par gar muh se na kahein,
To isme kiska kusoor hai,
Zindagi choti lagti hai,
Jab khushion se bhari hoti hai,
Par iska ant nahi dikhta,
mulakat iski jab gam se hoti hai,
Par maine suna hai,
Huzoom-e-gam aadat badal nahi saki uski,
Jiksi aadat ho muskarane ki....

ek kadam peeche ko le jao.....

main dooba tha khud main kahin
ye pata tab chala
jab saans ukhadne lagi
un antim palon main khyaal aaya
ki maine aaj tak kya paaya
ki maine aaj tak kya kiya
kya sirf khud ke liye jiya
jab choda tha ghar ka aangan
tab aankhon main sirf sapne the
jeevan main ek nahin
kae mukaam hasil karne the
jeevan ki aapadhapi main
kitne he pal gujar gaye
ab to ye bhi yaad nahi ki
pichli baar kab maa ke pass baitha tha
unki baatein suni thi
wo khush rehte the
kyunki hum khush rehte the
aur hum khush rehte the
bas apni he zindgi main
par samay kahan rukta hai
har insaan ek din uske saamne jhukta hai
bas yahi kahunga ki
har kadam aage ki or badhaye hain
jara ek kadam peeche ki or bhi le jao
jara laut kar apne maa baap ke pass wapas jao

paimana zindigi ka...

jara ruko....
idhar to dekho...
kahan jaa rahe ho...
abhi to shaam hue hai,
poori raat baaki hai....

akele to tum bhi ho...
kiska sath talash rae ho....
gar gam hai to kyun haste ho,
ye aansu kisse chipa rahe ho....

main may hun...
main tera saath dungi...
mujhe hoton se to lagao,
zindigi tere naam kar dungi...

main muda aur bola,
"akela main nahi,
akeli to tum ho.....
jo sath talash rahi ho
gam main hasna he to zindgi hai,
aur tum mujhe zindgi sikha rahi ho



are main zindgi hosh main jeeta hun,
aur agar madhosh hona hota hai to

paimana jaam ka nahi
zindgi kaa peeta hun.....

wo chehra.....

har din chehre to hazaron dekhte hai

par wo lakho main ek tha….

jo ek din dikh gaya……..

jo nazre ruki to tiki rah gaye….

na jaane kitna kuch yeh dil sah gaya….

wo chale jaa rahe the

hum khiche jaa rahe the….

socha ki…bas….rok lu…..

unhe ek pal ke liye….

ki bas…..ojhal ho gaya….

Wo chehra kahin…..

ye mann bechan ho gaya..

main daudne laga….

“kahan gaye wo,

abhi to yahin thi”….

dil ye rone laga…

mann tadapne laga….

Par aankho ko maine

jab band kiya…

chehra wahi bas nazar aaya

“are ye to meri kalpanao main hai,

mere dil main hai..mere mann main hai,

dekha tha use bas do pal ke liye….

par kis kadar wo mere jahan main bas gaya”

AB HAALE DIL YE HAI KI

JAB AANKHE KHOLTA HUN

TO BEDARD DUNIYA DIKHTI HAI

AUR JAB BAND KARTA HUN TO

Zindgi…..

Salam Zindgi...

Ye Zindgi kaisi hai…

Kaisi hai ye zindgi..

Sahara lekar shuru hoti hai

sahare par hi khatm….

AUR

Pairon par apne jab khadi hoti hai

To daudne lagti hai

Kabhi is rah...Kabhi us rah

Har mod par pathik milta hai

Kabhi Aasha ka pathik

Kabhi nirasha ka pathik

Kabhi sukh ka to kabhi dukh ka

Naya koi kabhi mil jaata hai

Purana koi kabhi bichad jaata hai

Raat bitati hai sapne dekhkar

To din un sapno ke picche daudkar

Aankh ke aansu aur hoton ki muskan

Bas inhi bhawnao ke beech phansi hai Zindgi

Kyun kuch na milne ka dukh hota hai

Kyun kuch pane par santushti nahi hoti

KAHIN..

Zindgi paani ki wo dhara to nahi

Jiska karm bas bahna hai……

Jo…agar ruk gaye to

Bimaari ko hi janm degi

TO…

Thak gaye ho to araam karo

Par ruko nahi….tum daudte raho

Har mod par koi thaka milega

Uska bhi haath tham aage chalte chalo

ARE..

KHUD KE LIYE TO JEETA HAR INSAAN HAI

PAR JO DUSRO KO JEENA SIKHA JAAYE

AISI ZINDGI KO MERA SALAAM HAI

badlaav...

main daud raha hun

saans phool rahi hai

par phir bhi daud raha hun

kyunki…aaj agar..

apni jagah par bane rahna hai

to daudna hoga…..

main lad raha hun

apne antarman se,.

jeetna chahta hun khud ko…

shayad isiliye aaj pehli baar,

maine apni har kamiyo ko

swekaar kiya hai….

Aisa lagta hai ki,

Kuch nazre ab mujhe dekhne lagi hai

Aur bahut see nazre mujhe dekhne lagengi

Ab ye bilkul sach lagta hai ki,

Vichar agar vistrit hoon

to duniya choti ho jaati hai

aur…aadmi ladna seekh jaata hai

Aur jo khud se ladna seekh jaata hai

WO ZINDIGI KI DAUD MAIN

AAGE NIKAL JAATA HAI.