ek aur mulyankan

Kya sochta hai..usne
kuchal diya
mere vishwas ko
daba diya
ubharte jazbat ko
usne mere prayas ka
ye sila diya
ki ab lagta hai
prayas he kyun kiya
usne kaha ki
aur kya chahte ho
main bhagwan nahi
mujhse kyun mangte ho
use dekh maine socha
jo hota hai
acche le lie he hota hai
aise he insan
apni durdarshita khota hai
ye duniya bhi ajab nirali hai
shwet pardarshi dikhte hai
par andar se kali hai
maine usse kaha ki
aaj tum seedhe khade ho
kyunki maine tumhara
panv tham rakha hai
main to neev hun
mera kya kar loge
chod dunga panv
muh ke bal giroge
par sach hai ki
agar aasan hota tumhe paana to
koshish kab ki dum tod chuki hoti
agar band kar dein aazmana to
to jeet shikhar par nahi hoti
hum itna aitbar khud par karte hai
ki apna ashiyana bana lenge
mujhme dum hai kitna
waqt aane par dikha denge

Shikayat ;)

ye shikayat hai us rab se
ki kyun gum main rulate hai
jab haqeqat se milana nahi rehta
to khwab he kyun dikhate hai
pehle to insan banaya
us per se dil aur jazbat diae
phir unke hatho majboor kiya
aur chod diya humain rone ke liye
jab rulate hai to...
chup karane kyun nahi aate hai
jab haqeqat se milana nahi rehta
to khwab he kyun dikhate hai

ye zindgi hai

Janab ye zindgi hai
yun he chalti rahegi
sapno aur haqeeqat ke beech
yun he palti rahegi

hum jo chahenge wo
aksar nahi hoga phir bhi
use paane ki kashmakash main
yun he peghalti rahegi

lamho ka aana aur jaana
yun he chalta rahega
khushiyon ka khona paana
yun he chalta rahega

narazagi kisi par hogi
gussa kisi par utrega
wo aise he ruthte rahenge
humara manana yun he chalta rahega

par kehte hai ki
jeene main maza tabhi aata hai
jab jeevan main trishna hoti hai
use bujhane ka koshish main
zindgi yun he kat te rehte hai

aaj phir se

Jaane kyun phir se aaj
mujhe lagne laga ki
main jo bhi hun jahan bhi hun
usse kahin door jaana hai
ye mera wo mukam nahi
jo mujhe paana hai
jaane kyun phir se aaj
mujhe lagne laga ki
wo masti ke din laut aaye
saare purane dost mil jaye
ghume phire khaye piyen
khoob masti karen mauj manaen
shayad aisa islie kyunki
dil to baccha hai je...
thoda kaccha hai je...

aaj kuch aisa hua..

aakchi..uff kisi ne cheeka

kaun hai dekho to zara

bola ek ne humare group main se

dekha to ek madam thi

bagal ke cubical main

jo kal bheeg gaen thi barish main

bangalore ki barish he kuch aise hai

jab tak suraksha kavach le kar chalo

tab tak nahi aati hai

aur jahan aapne satarkta chodi

aap par baras jaati hai

han to madam ki cheek par ek ne bola

kahin kuch gadbad to nahi

kahin iske peeche swine flu to nahi

aaj kal roz akhbar main aata hai

jise cheek aati hai

sar dard hota hai

use samanya jukham nahi

swine flu ho jaata hai

chalo chal kar unhe batate hai

doctor ke pass jaane ki salah de aate hai

isi bahane mulakat ho jayegi

apne freindship ki shuruat ho jayegi

bas hum sab chal pade

ek nek irade ke sath

pass pahuche unka nam poocha apna nam bataya

par kisi ki zuban per S.flu ka nam nahi aaya

ek bola aapne shayad abhi do bar cheeka

aaj aapke sath zaror kuch bahot accha hoga

hum sabhi muskuraye ek dusre ko dekha

kam bola jyada samjha wapas apne cubical main aaye

meri wapsi

din gujar gaye kitne

kuch likha nahi maine

jald he wapas aunga

ek naye vichardhara ke sath

kuch naye khayalo se paripurn

apni rachnao ke sath

Dedicated to dreamers...

choona hai aasman agar to 
pehle zameen ko mehsoos kar
kitni kathor hai wo 
kitni pathrele hai wo

utar chashma aankhon se jisse 
dikhti hai duniya rang raunak se bhari
utar chappal pairo se jisse
mehsoos nahi hote kankar sadak per pade

mann raunak ko dekhta hai
dimag chahat ko chahta hai
aur chahat bhi aise ki jiske
aas pass koi raunak nahi dikhti

par abhi nahi socha to 
phir samay nikal jayega
lene honge nirnay kathin
tabhi apna lakshay mil payega