aaj phir se

Jaane kyun phir se aaj
mujhe lagne laga ki
main jo bhi hun jahan bhi hun
usse kahin door jaana hai
ye mera wo mukam nahi
jo mujhe paana hai
jaane kyun phir se aaj
mujhe lagne laga ki
wo masti ke din laut aaye
saare purane dost mil jaye
ghume phire khaye piyen
khoob masti karen mauj manaen
shayad aisa islie kyunki
dil to baccha hai je...
thoda kaccha hai je...

aaj kuch aisa hua..

aakchi..uff kisi ne cheeka

kaun hai dekho to zara

bola ek ne humare group main se

dekha to ek madam thi

bagal ke cubical main

jo kal bheeg gaen thi barish main

bangalore ki barish he kuch aise hai

jab tak suraksha kavach le kar chalo

tab tak nahi aati hai

aur jahan aapne satarkta chodi

aap par baras jaati hai

han to madam ki cheek par ek ne bola

kahin kuch gadbad to nahi

kahin iske peeche swine flu to nahi

aaj kal roz akhbar main aata hai

jise cheek aati hai

sar dard hota hai

use samanya jukham nahi

swine flu ho jaata hai

chalo chal kar unhe batate hai

doctor ke pass jaane ki salah de aate hai

isi bahane mulakat ho jayegi

apne freindship ki shuruat ho jayegi

bas hum sab chal pade

ek nek irade ke sath

pass pahuche unka nam poocha apna nam bataya

par kisi ki zuban per S.flu ka nam nahi aaya

ek bola aapne shayad abhi do bar cheeka

aaj aapke sath zaror kuch bahot accha hoga

hum sabhi muskuraye ek dusre ko dekha

kam bola jyada samjha wapas apne cubical main aaye

meri wapsi

din gujar gaye kitne

kuch likha nahi maine

jald he wapas aunga

ek naye vichardhara ke sath

kuch naye khayalo se paripurn

apni rachnao ke sath

Dedicated to dreamers...

choona hai aasman agar to 
pehle zameen ko mehsoos kar
kitni kathor hai wo 
kitni pathrele hai wo

utar chashma aankhon se jisse 
dikhti hai duniya rang raunak se bhari
utar chappal pairo se jisse
mehsoos nahi hote kankar sadak per pade

mann raunak ko dekhta hai
dimag chahat ko chahta hai
aur chahat bhi aise ki jiske
aas pass koi raunak nahi dikhti

par abhi nahi socha to 
phir samay nikal jayega
lene honge nirnay kathin
tabhi apna lakshay mil payega

yatharth..

jeewan ki aapadhapi main
kitne he pal yun gujar gaye
jaane kab kaun kahan kaise
milte gaye aur bichad gaye

maine phool ko khelte dekha hai
mausam ko badalte dekha hai
the patjahd bhi aaye jeevan main
bhi girte ko sambhalte dekha hai

jeevan ka karm gujarna hai
mausam ka karm badalna hai
karm ko karna karm humara
isi pravaah main jeena hai

jee lo jee lo tum bhi je lo
mat socho itna ki kya hoga
jeevan ras to amrit hai
tum bhi is amrit ko pe lo 

vishwas agar ho man main to
kaante bhi komal lagte hai
aur kaanto par chalne ko he
jeevan jeena kehte hai

apni raah

dekhta tha talashta tha

sath kisi ka chalne ke liye

jo sath mila to

to kabhi unke aage chalte the

to kabhi unke peeche chalte the

shayad unke barabar chalna hai

to kuch to khona padega

apne aap ko bhulkar

mujhe unsa hona padega

par ab lagta hai ki

jab apni rah nahi dikhti 

to hum sath talashte hai

apni rah bana sakte hai

par dosro ki rah par 

kadam badhate hai

ek bar apni soch main 

kho kar to dekho

apne mehnat ke dhaage main

khwabo ke moti perokar to dekho

jeewan main ek fark dikha hai

aisa karne se....

kal hum kisi ke barabar hona chahte the

aaj koi humaare barabar hona chahta hai

anmol seekh

goggle laga kar kise dekhne
chale sham ko matwale
kahan chale tum iron maiden ka
t shirt tan par daale
chale jhoomte masti main tum
kya apna path aaye bhool
kis kis ke upar nazar daloge
kahin na kar dena koi bhool
bade bade dil phek mit gaye
is rah par chal chal kar
dil todte rehte the jo
aaj phir rahe hai dil le kar
ye dagar bhai badi kathin hai
masti tak to thik hai
par bat jab aage badhti hai
to acche acche ro dete hai
unhe paane ki chahat main
apna sab kuch kho dete hai
to koi dikhe to do mat dhyan
kisi ki baat par do mat kaan
to tum kabhi na hoge dawadol
sukhi rahoge tum sada
sikh meri hai ye anmol